زيادة 15 كيلو بعد الولادة مع تغير شكل الجسم بسبب احتباس المياه نتيجة الحمل، كل ده كان كافي لتدهور الحالة النفسية لنورا، مع تغير شكل البطن بسبب الولادة القيصرية اللي عملت لها ضعف في عضلات البطن.
الانفصال العضلي وضعف عضلات البطن كانت من واحدة من التحديات التي واجهتنا مع نورا، زيادة على ده كان في آلام في الرقبة والكتف بسبب زيادة الوزن، بالإضافة إلى آلام في الظهر ودوالي وتورم في القدمين نتيجة الحمل.
كان لازم في البداية نبدأ معاها بتأهيل نفسي إن كل ده أمر طبيعي، ونفسياً لازم تكون متقبلة نفسها وشكلها في كل المراحل، وبدأنا بمشكلة احتباس المياه بنظام غذائي قليل الصوديوم، مع أيام فيها كاربوهيدرات عالية وأيام كاربوهيدرات قليلة مع المحافظة على شرب كمية عالية من المياه، كل ده بيساعد بشكل كبير في نزول المياه الزائدة في الجسم.
آلام الرقبة والكتف حلّها كان معتمد على تمارين تعديل القوام مثل تمارين القوة، وتمارين الاستطالة والمشي السريع أو الجري.
تمارين قاع الحوض لحل آلام الظهر.
أما مشكلة الدوالي والتورم كان حلّها في تمارين تحسين الدورة الدموية وتقوية عضلات القدمين.
وصلنا مع نورا لنزول 18 كيلو من وزن الجسم، و تحسن في الشكل العام للجسم، مع الانتهاء تماماً من آلام الكتف، والرقبة، والظهر، وتحسن الدورة الدموية وتقوية عضلات القدمين التي كانت سبباً في مشكلة الدوالي وتورم القدمين، مع تحسن كبير جداً في الحالة النفسية لنورا بسبب وصولها لحالة صحية أفضل من البداية.
